سليم الجبوري وشذى العبوسى : تخفيضات يا جماعة الخير

بقلم:كنعان المطلبي

عفية سليم شكو بيعة الك بيهة حصة ذيب امعط كل شغلة دسمة بصماتك واضحة بيهة شذى وضاح يكولون الصوت مفبرك مو احنة ..سلومي غير تدير بالك يعني هيج البيع عيني عينك , بس انت خربان هل الفترة قبل جنت احسن خل اذكرك شلون قبل تخمط بطريقة ارتب مثلا حفاظات للبرلمان عدكم حنان المسترجلة وعديلة بكد بيببتي ومنو بعد جم وحدة رجلهة بالكبر عواطف وشلتهة حفاظات على اساس بمليار نجيب ب 2 مليون والباقي بجيب سليم

نجي للتربية حجي اقبال ممقصر الله يشهد الرجال القلم والدفتر وطبعات الكتب خلة الطلاب تكدي بالشارع مسح التربية مسح لاخلة فلس ولاعانة فهذي الخمطات الي جوة العبا قتيبة الجبوري وجماعتة جانو يلمون من المدراء وانت خبير مثل كامل مفيد شعجب هاي فاتتك الجماعة الكرابلة ممقصرين الهلال الاحمر وخمطو وداعتك حتى الهلال الي بالسمة هم يخمطو عدك رجال خماطة بس لتضوج عادي ميوكع الا الشاطر ليش شذى مقصرة هم ذيبة شذاوي تفاصل بالسعر الف دينار منزلت تكولة 25 دفتر هذا السعر والسامرائي شنو استثناء مسويلة ابو السلم غاشك بالسعر ليس 25 مليون قليلة

لا بس اعرفك متنغلب يجوزالسامرائي منطيك خمطة جبيرة المهم بالموضوع منين مندور الشغلة انت ربحان عادي تسريب وشنو يعني سوي عزيمة وهي كلهة تنسى وتغلس, هسة اجة ابن اخو جمال الكربولي من ريحة العزاز الضلوع هذا راح يغرف وينطيك بصاية عادل عبد المهدي هسة شتسوي انت خفف من نشاطك كلهة لشذاوي الدلالة خل شوية تقلل نشاطهة هل الايام العين عليكم والخير جاي مدام الكرابلة وخالتك شذاوي وياك واخمط وادعي للفقرة الي انتخبوك ابو السوالم ولتسوي تخفيضات حتى لوطلبو منك انت رجال على باب الله مو يكلولك تخفيض وبعدين ينقلبون عليك اخذ حقك ثالث ومثلث وكلهم ماكو تخفيض ياجماعة هذا سوك وتعذروني المنصب الة شراية!